Itangazo Rya Cyamunara Yo Kugurisha Ibikoresho Byo Mu Biro No Mu Mashuri - UR Holdings Group LTD

ITANGAZO RYA CYAMUNARA

Sosiyete ishamikiye kuri Kaminuza y’ u Rwanda;UR HOLDINGS GROUP LTD, iramenyesha ababyifuza bose kandi babifitiye ubushobozi ko ishaka kugurisha mu cyamunara ibikoresho bigizwe ahanini n’ibikoresho byo mu biro no mu mashuri bigizwe n’intebe, ameza n’utubati, (Chairs, sofas, tables and filling cabinets), Ibitanda bikoze mu mbaho(Wooden beds), Inzugi zikoze mu byuma no mu mbaho(Metallic & Wooden Doors),Amatiyo akoze mu purasitike(PVC pipes), ibyuma bishaje (Metallic Scraps), Imbaho zishaje (Wooden Scraps), Purasitike zishaje (Plastic Scraps),Ibikoresho by’ubwubatsi bitandukanye(Assorted construction materials),Ibikoresho bya plomberi byakoreshejwe(Used plumbing appliances),Pompe z’amazi (Water pumps), Ibyuma bituruka ku mashini zifashishwa mu guhinga (Agricultural Machinery parts and accessories), Imashini zitanga amashanyarazi (Power Generators), Ibigega by’amazi (Plastic water tanks), Matela zakoreshejwe (Used mattresses), Amapine y’imodoka (Used vehicle tyres), Bateri zakoreshejwe (Used batteries), Ibikoresho byifashishwa mu kuzimya inkongi y’umuriro (Fire extinguishers), Ibiti byo gucana/Inkwi (Firewood), n’ibindi bikoresho bitandukanye. 

Urutonde rurambuye rw’ibikoresho byose bigurishwa muri icyi cyamunara, aho biherereye n’ingano yabyo biboneka ku rubuga rwa Kaminuza y’u Rwanda (UR Website). 

Ibyo bikoresho biherereye kumashami ya Kaminuza y’u Rwanda ariyo: UR Nyarugenge Campus, UR Gikondo,Kicukiro Campuses, UR Rubirizi , UR Nyagatare Campus, na UR Rukara Campus.

Cyamunara (Public Auction) izakorwa biciye mu buryo bw’ipiganwa bukoresheje amabahasha afunze(Bidding through sealed envelopes). 

Gusura ibyo bikoresho aho biherereye biteganyijwe mu minsi y’akazi guhera kuwaKane,taliki ya 17 Nzeri 2026 kugeza kuwa kabiri, taliki ya29 Nzeri 2026, guhera saa yine za mugitondo (10:00AM) kugeza saa saa kumi za nimugoroba (16:00). 

Gusoza gutanga amabahasha afunze neza, akubiyemo ingwate y’ipiganwa biteganyijwe kuwa Kabiri taliki ya 29 Nzeri 2026 saa 17:00, ku isaha yo mu Rwanda. Amabahasha afunze neza, agaragaza site (s) upigana yapiganiye azatangwa ku cyicaro gikuru cya UR HOLDINGS GROUP LTD, giherereye mu ishami rya Kaminuza y’u Rwanda, rya Nyarugenge (UR Nyarugenge Campus), mu nyubako ya Ikaze (Ikaze Building), etaji ya mbere (1st floor), umuryango wa 105 (Logistics Office). 

Ibiciro bya buri site bitangwa mw’ibahasha yabyo yihariye, bivuze ko site 1 igira ibahasha 1.

Cyamunara iteganyijwe ku mataliki akurikira:

• Taliki ya 30 Nzeri 2026 guhera saa yine za mugitondo (10:00 AM):Hazagurishwa mu cyamunara ibikoresho biherereye ku ishami rya UR Nyarugenge (UR Nyarugenge Campus). 
• Taliki ya 01 Ukwakira 2026 guhera saa yine za mugitondo (10:00 AM):Hazagurishwa mu cyamunara ibikoresho biherereye ku mashami ya UR Gikondo na Kicukiro (UR Gikondo and Kicukiro Campuses).
• Taliki ya 02 Ukwakira 2026 guhera saa yine za mugitondo (10:00 AM):Hazagurishwa mu cyamunara ibikoresho biherereye ku mashami ya UR Rubirizi na Remera (UR Rubirizi)
• Taliki ya 05 Ukwakira guhera saa yine za mugitondo (10:00 AM): Hazagurishwa mu cyamunara ibikoresho biherereye ku ishami rya UR Nyagatare (UR Nyagatare Campus).
• Taliki ya 06 Ukwakira 2026 guhera saa yine za mugitondo (10:00 AM): Hazagurishwa mu cyamunara ibikoresho biherereye ku ishami rya UR Rukara (UR Rukara Campus). 

Icyitonderwa: Cyamunara yose izabera mu ishami rya Kaminuza y’u Rwanda rya Nyarugenge (UR Nyarugenge Campus).

Abifuza ibindi bisobanuro ndetse n’amabwiriza bigendanye n’icyi cyamunara,barasabwa gusura urubuga rwa Kaminuza y’u Rwanda (UR Website) arirwo: https://ur.ac.rw  banyuze ahanditse‘’Announcements’’. 

Murakoze

Bikorewe I Kigali kuwa 15 Nzeri 2026

Narcisse MUGESERA

Umuyobozi Mukuru (CEO)

UR Holdings Group Ltd